緣聚西日餐廳 (西裕街) (Closed)

地方闊落，坐位舒適，我和朋友都喜歡到緣聚食放題聚一聚。飲品櫃有各式飲品，唔啱口味的話，還有其他冷熱飲品可以點。火鍋材料可到自助吧取。甜品及雪糕雪條櫃。入座時有張紙，掃一掃QR code，用手機落單，食幾多點幾多，很方便。食放題當然要先食刺身，這裏的刺身新鮮夠凍，大甜蝦刺身大大隻夠鮮甜，象拔貝爽口，鮮帶子和紅螺片刺身大大粒很鮮味。壽司一啖一件，蒜香牛油和牛壽司很香口，牛肉燒得剛好，入口即溶，我一個人都食左四件。一口芝士帶有濃濃的芝士味，我喜歡。炸雙皮奶，榴槤炸彈，紫心香芋丸都炸得很好，不油，很鬆脆。濃湯煮蜆鮮甜入味。蟹粥加入蟹籽更能帶出鮮味，口感更豐富。最後當然要食甜品，3.6焦糖牛奶雪糕是我的最愛，濃郁的牛奶味加上脆脆的焦糖，今次又食了四個。藍海鹽雪糕帶有淡淡的咸味，咸咸甜甜味道不錯。任飲任食兩小時，兩人埋單$524，人均$262，大滿足。