一寿司 (Closed)

兩個人食飯好多時都去壽司，大家share都可食多幾款食物，係最方便嘅選擇，食開一壽司知佢久唔久都有新菜式，今次都無失望，有幾款新菜式都幾好食，首選黑松露蔥拖羅帆立貝壽司，鮮味肥厚帆立貝加上香味濃郁嘅黑松露，簡直係滋味無窮，再三回味，帆立貝呢個食法又真係唔錯，希望佢以後餐牌都繼續有啦！另一款帆立貝壽司係磯煮帆立貝軍艦，係用細粒帆立貝用汁煮，雖然唔似大隻嘅帆立貝咁肥大肉厚，但細細粒好好趙，用汁煮過比較野味，一舊壽司有3粒，件軍艦好似好full咁。而蟹膏蟹棒天婦羅壽司件嘅蟹棒係好大件頭，上面有好多蟹膏，望見都想食，蟹膏加蟹棒完全令人食到蟹嘅鮮味同美味，天婦羅蟹棒外層炸得脆口而仍保留蟹肉肉汁豐富，再配蟹膏食令口感有唔同層次，呢款軍艦都好出色。再來天婦羅，點了魷魚野菜天婦羅，原來實物係好大件，炸魷魚脆卜卜外皮，魷魚就更香口，蔬菜又唔會炸到好乾，有水準嘅天婦羅。特別一讚係三文魚鰭蔥油唐揚，三文魚炸得甘香無比，肉厚肥美，魚油甘香，只要配蔥一齊食更香更美味，味道調較得非常好，平時食三文魚鰭都要加七味粉食，但呢個唔使再加七味粉都已好好味。我朋友點咗杯熱飲桂花茶，我就見到有杯飲品幾得意叫著迷，令我諗起郭富