香港達人 (愛定商場(H.A.N.D.S) S區) (Closed)

見新開業，今日放假就同家人去試下佢早餐，皆因媽媽話好想試👀我地10點左右去到，都幾多人食緊野，好快坐低左，我地坐門口位，個個位好fit 放埋部BB車👶🏻我地叫左三個餐，一個牛扒餐、一個雞扒餐同一個雞翼米線配炒蛋、腸仔、餐包。這份是我的，雞翼同米線都屬於ok既水平，炒蛋幾滑算幾大份，成份早餐都唔錯，三四十蚊真心覺得係岩數。爸爸既牛扒餐，有一隻煎蛋、厚多士、一件正常size既牛扒同一pat 茄汁豆。早餐黎講都夠飽，食左爸爸半件牛扒，爸爸話食唔落😂都覺得唔錯，唔痴牙，係正常茶記級數牛扒，叫凍飲就加3蚊，屋企樓下黎講，算係有質。呢份就媽媽既，評語都係不錯👌🏻可以繼續支持..