敏華冰廳 (Closed)

見到佢11點幾仲有得食早餐，加上出面落大雨費事行，所以決定食呢間。由入門口開始，完全冇人招呼，入面勁多位，但係截住晒喺門口冇人帶入位。開頭諗住算啦，求其食完個早餐快快趣搞掂就繼續等。點知落單開始計，半個鐘都未齊成份餐。見到附近啲人已經不停催佢哋，但係一樣冇嘢食，所以諗住都係唔出聲慢慢等，點知一等就40分鐘係40分鐘都未齊嘢食，其實呢個時間真係好誇張，所以如果食呢間，一定要預一個鐘頭嘅時間，唔好諗住茶餐廳可以快食，要用食法國餐嘅心理準備，等咗咁耐以為好新鮮，嚟到啲包已經凍哂，入座率只係三份一，樓面有兩三個人，唔明白點解可以由早餐等到午市都知道朗豪坊做茶餐廳好難做，但係如果冇心做到咁，求其俾人開間咖啡店都好。