湯直送 (Closed)

今日跟朋友推介，黎呢間“湯直送”食晏，順便補補湯水。餐枱好乾淨，有紙巾同消毒液畀大家用。午市餐牌有成18款燉湯選擇，每款58-68蚊，然後加10-33蚊可以加配一款飯﹐飯頪都有成12款選擇。等左10分鐘，4盅湯上齊，影個大合照先。1. 南北杏蜜棗菜乾燉豬肺個湯好清甜，用料充足，豬肺爽口。2. 涼瓜黃豆燉唐排飲落有淡淡嘅涼瓜苦，除此都比較水，有好多排骨。3. 棷皇燉去皮雞貴少少果然係比較好味，個湯比較濃，有椰子味得黎再帶少少花膠味；雞肉就少左d，不過都鬆散易入口。4. 冬瓜薏米瑤柱燉唐排個湯又係好清甜，好排骨，肉夠鬆軟，冬瓜多水。5. 迷你咖哩牛腩飯迷你飯個碟比一個手掌大少少，咖喱味香，唔算辣，薯仔同牛腩都炆得好淋。6. 迷你黑椒雞扒飯黑椒汁味道濃，雞扒煎得啱啱好，好嫩滑，食到舔舔脷。埋單每人68-78蚊，講真唔太抵食，但間唔中幫襯下、飲下湯係一個幾好嘅選擇。