蚊蚊豬老火鍋 (Closed)

唔覺意發現左依間正野，係好多年都無食過既火鍋放題，最誇張係連湯底都任食，包括烤魚、雞煲、普通湯底都任轉任食，冬天仲有羊腩煲，聽到都覺得顛。坐低就有個刺身同極品和牛拼盤，刺身就唔expect有幾好啦收你依個價錢，反而個牛拼有surprise喎，有手切安格斯肥牛，封門柳，牛板鍵，牛舌心、金錢展份量十足，而且仲好重牛味，質素同出面幾百蚊兩大碟既手切牛質素係完全冇分別，仲要嗌左幾輪都keep 到個質素，咁既價錢你仲想點。另外個烤魚香脆肉身好滑，揀左青江魚又唔多骨，煎香再放入湯底煮，好好食。真係唔好以為任食就食下欄野，食材一啲都唔馬虎，整體高質勁抵食，係環境麻麻地，當日見到好多小飛飛。蚊蚊豬老火鍋地址：深水埗荔枝角道240-244號寶興樓地下A-C號舖