Video
Read full review
2019-05-07
513 views
最近係中環區發掘到唔少價錢貼地但質素水準高既餐廳，完全打破我對中環好貴，食唔起既刻板印象。我同朋友各自點左杯Lemonade，除左原味既檸檬汁以外，仲有兩款特別既口味，包括 Green (青瓜,青椒) 及 Pink (Mix Berry)。前者以甜，酸為主，帶點極輕微既辛辣，味道層次豐富，唔會有強烈既蔬菜味，後者則混合左多種莓類，酸度適中，十分開胃。我點左一客牛肉蔬菜湯，我會用濃而不膩四個字去形容呢碗湯，湯汁亦不會過份濃稠。Fried Calamari $148 炸魷魚係我最愛既菜式之一，除左賣相擺碟一流，仲好有內涵。炸魷魚表面香脆，內裡既魷魚仍然保持爽口，彈牙。最緊要係香口之餘，不油膩。旁邊有自家製既蒜蓉醬，令味道更上一層樓，令人一口接一口。Steamed Fresh Mussels $248 白酒煮青口亦係我私心推薦既菜式，平時唔食青口既我，今日竟然可以一口氣清十幾隻青口，好食程度可想而知。先講醬汁，絕對係呢道菜既靈魂，奶香十足，調味濃淡得宜，用黎蘸麵包都係一流！而青口冇丁點腥味，口
我同朋友各自點左杯Lemonade，除左原味既檸檬汁以外，仲有兩款特別既口味，包括 Green (青瓜,青椒) 及 Pink (Mix Berry)。前者以甜，酸為主，帶點極輕微既辛辣，味道層次豐富，唔會有強烈既蔬菜味，後者則混合左多種莓類，酸度適中，十分開胃。
我點左一客牛肉蔬菜湯，我會用濃而不膩四個字去形容呢碗湯，湯汁亦不會過份濃稠。
Fried Calamari $148
炸魷魚係我最愛既菜式之一，除左賣相擺碟一流，仲好有內涵。炸魷魚表面香脆，內裡既魷魚仍然保持爽口，彈牙。最緊要係香口之餘，不油膩。旁邊有自家製既蒜蓉醬，令味道更上一層樓，令人一口接一口。
Steamed Fresh Mussels $248
白酒煮青口亦係我私心推薦既菜式，平時唔食青口既我，今日竟然可以一口氣清十幾隻青口，好食程度可想而知。先講醬汁，絕對係呢道菜既靈魂，奶香十足，調味濃淡得宜，用黎蘸麵包都係一流！而青口冇丁點腥味，口感爽滑不粗糙，鮮甜既滋味溢於口腔不散。
USDA Prime Rib Regular Cut $388
重點就係呢度既牛扒，8安士只需$388，已足夠我同女仔朋友2個人開心Share。最初望到牛扒嘅外表好似好生，唔熟，令我有啲卻步，但食落先知非同凡響。牛扒經十幾小時慢煮而成，將肉汁牢牢鎖住既同時，仍保持到佢鮮嫩既外表，食落去非但冇血水既腥味，口感更非常香軟。重點係唔膩！唔油！只有滿溢既肉香，好食到停唔到口。
Creamed Corn $60 食靚扒既同時，配埋香甜既奶油栗米，實在令我有滿滿既幸福感覺。而且價錢不過係$60，好親民，絕對值得嗌一份黎試下！
-
呢間餐廳已經成為我必食List之一，強力推薦！
Post
