鼎皇臭臭鍋 (Closed)

星期日做完gym約左朋友去尖沙咀睇戲，睇完戲之後周圍搵下有咩好野食，見到有間火鍋店既價錢適中，我地就入左去食了！環境尚算寬敞，座位也舒服呢！大部份的座位刀系卡位的。招牌臭臭鍋：第一次黎，我同朋友當然食招牌菜，就是招牌臭臭鍋。當中主角不少得臭豆腐，本人聲明從來未食過臭豆腐，這次第一次食，味道食落果然充滿陣陣既臭味呢！娃娃菜同粉絲吸入湯底，食起上黎湯汁滲透出黎。台灣貢丸十分彈牙！鴨血香口，米血糕煙煙unun，蜆也不帶沙粒。黑豚肉不會過於鞋身。可惜，豬大腸比連多肥膏痴住呢。芝麻洋蔥鹹魚醬飯：另加了一碗既飯。味道充滿左咸香味，洋蔥為飯加入不同口感，十分惹味！百香果芒果梳打：餐廳推介的飲品，味道甜甜，好重生果味，特別是芒果味呢！以梳打形式上，令食客更加為炎炎夏日解解渴！盆栽奶茶：奶茶上加入厚厚既奶蓋，面層再有oreal碎，入口奶味濃郁幼滑，相對茶既濃度減少了，oreal 碎令整體味道不但加添少許朱古力香，還增加了口感，正！