Video
Read full review
2019-12-17
183 views
今日約咗兩位大美人一齊聚一聚，三個女人一個墟，唔少得就係要時間同一個舒適嘅座位嚟吹水，最佳選擇當然就係打邊爐啦！呢間滾得棧喺油麻地開咗新分店，咁啱就近我其中一個美人收工，於是約埋嚟呢度打個靚邊爐。我好鍾意佢呢間嘅餐牌，好特別好有心思。我哋嗌咗佢個新嘅八寶雞湯底，點解叫做八寶雞呢？因為佢係腐皮袋入邊裝左半隻雞之外，仲有八種材料，分別係蟲草花，松茸菇，竹笙，金華火腿，蝦米，元貝，瑤柱。樣樣都係滋陰清甜，飲完真係個人會靚啲靚啲再靚啲㗎！所以當個湯底上咗職員都已經攞定三隻碗俾我哋，依個湯底實在太好飲，所以我哋每人飲咗三碗，飲到後尾直頭職員要制止我哋，話唔可以再飲啦！要加水打邊爐，如果唔係冇味啦！🤣飲完湯我哋就食呢個手切牛頸背，油脂分布均勻，所以入口即溶，口感軟腍，有好香牛味。然後我哋嗌左半份鮮蝦雲吞同半份韭菜餃。佢個韭菜餃真係好好食，咬落去係實心嘅，因為真係好足料，韮菜同肉嘅比例啱啱好，食到韭菜嘅香但又唔會食到口臭。而雲吞都好好味，每一粒雲吞入邊都會有一隻蝦，所以好爽口彈牙。另外仲有呢個手打蝦丸都係好彈牙，同樣地入邊都係有一隻蝦，食落爽口。仲有呢個手打象拔蚌丸，同樣都係好爽口彈牙，口感有啲似墨
呢間滾得棧喺油麻地開咗新分店，咁啱就近我其中一個美人收工，於是約埋嚟呢度打個靚邊爐。
我好鍾意佢呢間嘅餐牌，好特別好有心思。
我哋嗌咗佢個新嘅八寶雞湯底，點解叫做八寶雞呢？
因為佢係腐皮袋入邊裝左半隻雞之外，仲有八種材料，分別係蟲草花，松茸菇，竹笙，金華火腿，蝦米，元貝，瑤柱。樣樣都係滋陰清甜，飲完真係個人會靚啲靚啲再靚啲㗎！所以當個湯底上咗職員都已經攞定三隻碗俾我哋，依個湯底實在太好飲，所以我哋每人飲咗三碗，飲到後尾直頭職員要制止我哋，話唔可以再飲啦！要加水打邊爐，如果唔係冇味啦！🤣
飲完湯我哋就食呢個手切牛頸背，油脂分布均勻，所以入口即溶，口感軟腍，有好香牛味。
然後我哋嗌左半份鮮蝦雲吞同半份韭菜餃。
佢個韭菜餃真係好好食，咬落去係實心嘅，因為真係好足料，韮菜同肉嘅比例啱啱好，食到韭菜嘅香但又唔會食到口臭。
而雲吞都好好味，每一粒雲吞入邊都會有一隻蝦，所以好爽口彈牙。
另外仲有呢個手打蝦丸都係好彈牙，同樣地入邊都係有一隻蝦，食落爽口。
仲有呢個手打象拔蚌丸，同樣都係好爽口彈牙，口感有啲似墨魚丸，但係佢比墨魚丸更加鮮甜。
蔬菜方便我哋仲嗌左萵筍，皇帝菜同雜菇籃。呢個雜菇籃真係不得了，啲菇索晒啲湯真係超級甜。
另外我好欣賞嘅係呢度嘅飲品。一開始我見點解每一台都有大排檔嘅大茶壺喺枱面。原來係自家製竹蔗茅根，甜度啱啱好，飲完又會潤喉，最重要真係好抵飲，每人起碼倒到四杯。
Post
