養心殿台式養生鍋 (Moved) New Location

念念不忘台式火鍋，今次黎養心殿止一止渴先。環境好優雅，坐得舒服。試咗一個美人鍋同養生鍋既鴛鴦鍋。 一次試哂兩種風味，但價錢不變，湯料好足，超值。美人鍋有好多桃膠，紅棗，龍眼肉，杞子，南棗，金華火腿，仲有原隻烏雞，適合滋補養顏嘅美人。養生鍋除左有紅棗，龍眼肉，火腿，老雞，仲有名貴藥材，例如人參，湯底入面仲有凍豆腐，鴨血。識食梗係試下湯底先，兩個湯底都好滑好純，養生鍋相比下，比較清甜，藥材嘅香味令湯頭好正氣， 感覺好固本培元及養生。美人湯比較下， 比較鹹，可能因為入面有金華火腿不斷咁返滚，所以比較重口味。不過桃膠吸咗湯底嘅味，其實啱啱好，唔會太鹹。只係個人認為，滚多次後既湯，唔太適合當湯咁飲。餐牌好多選擇, 今晚揀左酒香白肉,雜錦蔬菜盤,海鮮拼盤同鵝肝墨魚丸。酒香白肉, 睇落去唔似有酒味, 但原來薄切五花腩係充斥住濃郁既酒香, 爽而有驚喜, 就算烚左一陣, 酒香味都係揮之不去,必點!雜錦蔬菜盤, 色彩豐富, 有生菜, 菇類, 粟米,仲有秋葵. 新鮮材料, 秋葵仲好滑添。海鮮拼盤有海蝦、帶子、九孔. 又係好新鮮, 店家好細心咁將九孔(即鮑魚)一早界開哂, 烚一陣就熟, 肉質飽滿得黎好鮮甜。海