大紅袍火鍋料理

Open Now

Now Closed

呢排天氣都係麻麻地，冇咩太陽仲有時會落雨，叫做有d寒，所以我同個friend度完姊妹裙之後去打邊爐。好彩佢夠醒打定電話去book位，如果唔係我地實有排等。尖沙咀分店我都係第一次去，入到去地方好寬敞，服務員好friendly，坐低左我地就即係落個湯底，佢話要食麻辣但係我又唔食得辣就嗌左個鴛鴦湯底，一邊麻辣一邊花雕藥膳。估唔到個花雕藥膳湯底唔錯喎，花雕味香但入口又唔會太濃，正呀👍🏻👍🏻👍🏻👍🏻之後我地再嗌左d平時食開既火鍋配料。所有既火鍋配料賣相都好好，先講下個手切肥牛，牛肉相當新鮮，刀工好好，切得好薄，而且牛既脂肪比例適中，好有牛味，又唔會un👍🏻👍🏻👍🏻👍🏻脆鯇片都好值得一提，佢同樣新鮮，而且真係好爽口，唔會煮熟左就淋晒👍🏻👍🏻👍🏻👍🏻至於，個芝士獅子狗都係我既最愛，要咬落去個下，先會有芝士流出黎，仲熱辣辣既所以要好小心咁食，咪好易辣親，不過真係好好味😋😋😋😋仲有就係淮山，堅係正，超級爽口，唔會淋晒又唔會一pat pat咁，食完好易上引👍🏻👍🏻👍🏻👍🏻至於其他既火鍋配料就不過不失，冇話大驚喜，覺得食材係新鮮同乾淨既。