Video
Read full review
2021-08-25
39 views
良刺身盛 + 日本北海道仙鳳趾生蠔有大拖羅、赤身、金目鯛、縞池魚、三文魚、八爪魚、甜蝦同帆立貝各兩切。金目鯛同縞池魚都係白魚，肉質彈牙鮮嫩，味道幾清新。大拖羅魚油豐富而不膩，肥美多汁赤身口感會結實啲，較少脂肪，魚味濃郁；帆立貝味道純淨甘甜，口感柔嫩彈滑；三文魚夠厚切，脂肪都幾豐富。八爪魚有咬口得嚟唔會過韌；甜蝦好鮮好甜，肉質黏口。日本北海道仙鳳趾生蠔一上檯我哋已經心心眼，啲生蠔好大隻！師傅處理得非常乾淨，完全冇沙冇蠔殼碎。平時食蠔我會一啖過大口「啜」，今次呢隻肥美到我要分兩啖食，非常飽滿！濃濃嘅海水味喺口腔入面徘徊，餘韻悠長，依家諗返起郁好想再食白鱔燒得好香，逼晒啲魚油出嚟，魚皮好夠脆，魚肉唔會太乾或太燶，入面亦無咩骨。本身燒得好，調味就唔洗花巧，簡單少少鹽同加幾滴檸檬汁已經好好食。大拖羅壽司因為大拖羅刺身好食，所以我又另外點咗個大拖羅壽司。今次嘅大拖羅望落比頭先嗰嚿更多脂肪，細嚼嘅話會食到少少筋，質感鬆軟，魚油豐富壽司飯微暖，帶有少少甜味，軟硬適中，唔會「一嚿嚿」咁。呢啲就係加分位，憑嚿飯都知壽司師傅嘅功架同誠意，同出面連鎖店嘅係唔同檔次。松葉蟹甲羅燒滿滿嘅蟹膏，鹹香大爆發，送飯一流
良刺身盛 + 日本北海道仙鳳趾生蠔有大拖羅、赤身、金目鯛、縞池魚、三文魚、八爪魚、甜蝦同帆立貝各兩切。
金目鯛同縞池魚都係白魚，肉質彈牙鮮嫩，味道幾清新。
大拖羅魚油豐富而不膩，肥美多汁
赤身口感會結實啲，較少脂肪，魚味濃郁；帆立貝味道純淨甘甜，口感柔嫩彈滑；
三文魚夠厚切，脂肪都幾豐富。
八爪魚有咬口得嚟唔會過韌；甜蝦好鮮好甜，肉質黏口。
日本北海道仙鳳趾生蠔一上檯我哋已經心心眼，啲生蠔好大隻！師傅處理得非常乾淨，完全冇沙冇蠔殼碎。
平時食蠔我會一啖過大口「啜」，今次呢隻肥美到我要分兩啖食，非常飽滿！濃濃嘅海水味喺口腔入面徘徊，餘韻悠長，依家諗返起郁好想再食
白鱔燒得好香，逼晒啲魚油出嚟，魚皮好夠脆，魚肉唔會太乾或太燶，入面亦無咩骨。本身燒得好，調味就唔洗花巧，簡單少少鹽同加幾滴檸檬汁已經好好食。
大拖羅壽司因為大拖羅刺身好食，所以我又另外點咗個大拖羅壽司。
今次嘅大拖羅望落比頭先嗰嚿更多脂肪，細嚼嘅話會食到少少筋，質感鬆軟，魚油豐富
壽司飯微暖，帶有少少甜味，軟硬適中，唔會「一嚿嚿」咁。呢啲就係加分位，憑嚿飯都知壽司師傅嘅功架同誠意，同出面連鎖店嘅係唔同檔次。
松葉蟹甲羅燒滿滿嘅蟹膏，鹹香大爆發，送飯一流。
食到少少清酒味，再撈埋隻生鵪鶉蛋一齊食會更加滑溜。
臨走見到原來可以用app優先落單，下次試吓先。
Post
