聚來車仔麵

Open Now

Now Closed

朋友係車仔麵迷，佢上網搵到深水埗有不少高質好食的車仔麵店，今日就叫我陪佢嚟食，首選呢間喺基隆街嘅聚來車仔麵。食店聲稱秉承乾淨、健康，食材絕不添加味精，務求做到最好，大大碗車仔麵，滿滿嘅良心製作，當然要試吓先！招牌鮮煎餃子，餃子都是自家製人手包，要咗韭菜和芝士粟米餃兩款，煎餃子金黃香脆，餡料肉汁豐富，好香口。自選車仔麵：豬紅、豬皮、豬大腸、紅腸配幼麵和沙嗲汁，幾款餸都很入味，豬大腸軟腍度適中，清洗得乾淨。湯底係豬骨雞湯，熬煮得好清甜！加添沙嗲汁更惹味。秘製蔥油雞扒飯，可選配煎腸仔、午餐肉或火腿，香煎雞扒大大塊，厚肉嫩滑，加上流心蛋，好吸引！送熱飲，凍飲只需加3蚊，凍鴛鴦香濃。