Amici (Closed)

OpenRice 晚市85折，加上多好評，即管一試。叫了龍蝦套餐$1388 兩位。頭盤每人選一款，有薄蝦片配魚子同鮑魚鵝肝薯餅，頭盤質素正常。湯可選龍蝦湯/是日餐湯，是日餐湯為磨菇湯，菇味不算很濃，味道一般。主菜可選龍蝦拼海斑魚/煙燻羊/西冷牛扒我選了龍蝦拼海斑魚作為龍蝦套餐，當然對龍蝦有所期待，但可惜嘅無龍蝦口感好淋，完全唔新鮮，真係好失望，完全唔係$1388兩人份應有嘅質素。另外海斑魚熱辣辣上枱，但一放入口係腥嘅，完全唔值依個價錢。最後仲有甜品，因為食完主菜好失望，已經無心機影相，甜品係椰子雪糕+菠蘿酥皮。味道正常，可接受。希望餐廳可以改善食材質素，叫得龍蝦套餐，隻龍蝦應該比返應有嘅水準。總括而言係完全唔抵食，真係唔會有下次。