Wagyu Ya (Closed)

疫情關係無得去旅行，唯有食間好啲嘅日本餐廳平衡下😆呢間餐廳食燒肉為主，但都有其他野食，有啲似日本居酒屋日本蕃茄沙律知道一陣會食燒肉同啲好邪惡嘅野，嗌返個沙律解下膩😁個蕃茄應該係日本嘅水果蕃茄，食落都好甜，加埋酸酸地嘅沙律汁，真係又開胃又可以解膩👍🏻海膽和牛紫菜taco呢個係餐廳比較新嘅菜式，侍應都好推介一塊炸過嘅紫菜，面頭加塊紫蘇葉最正嘅地方係佢真係做到一口一件！啲和牛同海膽嘅味同一時間係個口度爆發🤤諗起都想再食多次😬Usuyaki薄燒真係無講笑，成塊面咁大塊！！！餐廳店員仲會幫我地燒😁食法係燒到8成熟，沾下蛋漿，再包住蔥同蒜片食🤤🤤雖然個名係薄燒，但唔算好薄呢片日本和牛唔係入口即溶個隻，但好有牛味！再加埋蛋汁同埋燒肉汁，令到個味多左好多層次☺️有啲似食sukiyaki 但就多左燒肉嘅香同油脂味👍🏻覺得呢樣係必食！盛意滿滿和牛丼同朋友唔夠飽，嗌個飯食下😬一睇就知個飯有幾邪惡...有和牛、海膽、鵝肝、黑松露😳有時唔係話將啲貴野擺埋一齊就一定好，但呢個飯真係正！海膽嘅creamy，鵝肝嘅油脂味，和牛嘅香味同黑松露配合得好好👍🏻仲要加埋日本溫泉蛋🤤一食入口所有味都係口入面爆發出黎😣好正！