木玥巷 (Closed)

我好鍾意食紅燒牛肉麵，周不時會心思思想食番碗。木玥巷由幾位星級粵菜食府的前廚師主理，加上不少好評，或多或少都帶著期待來幫襯。星期四中午12點一開舖就到步，所以無需等位，一坐低，毫無懸念地點了紅燒牛肉麵。麵一端上枱，沒有好濃烈的牛味，賣相也感到是清淡型。木玥巷的牛骨湯底是清甜中仍帶著濃濃牛味，雖與台式加入豆瓣醬的微辣濃郁湯底不一樣，但同樣討人喜歡。可能湯底沒有台式般重味，所以沒有配上粗麵條，而是吸湯力較好的幼麵，這個配搭可見廚師的細心。牛腱件件厚切，炆得軟稔嫩滑，幾近入口即化。本身只吃白蘿蔔，對紅蘿蔔毫無興趣。想不到泥蘿蔔又稔又甜，比白蘿蔔更吸引。成碗麵吃得乾乾淨淨，湯亦喝得一滴不漏，好滿足。午餐 +$32 點了招牌水果茶，西柚汁熱情果底，大大杯凍冰冰，好適合熱辣辣的夏天。星期六與朋友仔到元朗，於是又再到木玥巷。朋友仔因為唔食牛，所以點了酥炸排骨飯。排骨炸得香脆，和雪梨醬汁都幾夾，但只是中規中矩，沒什麼特別。還是牛肉麵最吸引，相隔幾日再食仍吃得津津有味😋。趁有兩個人，還點了蜂蜜冰烤地瓜。蕃薯好綿滑，就算沒有蜜糖都夠甜。如果鍾意食蕃薯，一定喜歡。