Video
Read full review
2019-02-26
85 views
今次係我第5次嚟到Lifetastic ! 好少有間餐廳我會重覆去咁多次，因為總係會貪新鮮，試下唔同嘅餐廳。不過我鐘情呢間cafe，除咗係因為食物水準一流，亦因為佢嘅環境！西環店位置極近地鐵站，落地大玻璃前有一排high chair，望住街外人來人往，嘆住杯咖啡，不知幾寫意。今次係去食晚餐，dinner menu 其實選擇好多，大大話話有成十幾款意粉選擇，仲有d前菜小食咁，飲品除咗咖啡、仲有花茶，果汁，要揀定食d咩都需要一d時間！我order 咗個三文魚三文魚籽蘆筍意粉，朋友叫咗個冬蔭公大蝦意粉，當然唔少得招牌士多啤梨西瓜蛋糕啦！三文魚意粉係忌廉白汁底，三文魚切粒，配上紫洋蔥、什菌、蘆筍，醬汁濃稠度適中，忌廉味濃郁。蘆筍同什菌亦都非常多，我差每一啖都總會食一d蔬菜，感覺健康d，可以平衡翻忌廉嘅heavy 感覺。朋友個冬蔭公大蝦意粉我都試咗幾啖，味道都幾特別。雖然係冬蔭公，但一d都唔辣，反而好香椰奶味，大蝦身型唔算大，但肉質都彈牙！最後，唔少得係我嘅至愛，士多啤梨西瓜蛋糕！無得輸，無論食幾多次都一樣咁鐘意食！西瓜係唔知點解一年四季都咁甜咁多汁，好奇一問之下，原來係用馬來西亞嘅品種。挑選優
不過我鐘情呢間cafe，除咗係因為食物水準一流，亦因為佢嘅環境！西環店位置極近地鐵站，落地大玻璃前有一排high chair，望住街外人來人往，嘆住杯咖啡，不知幾寫意。
今次係去食晚餐，dinner menu 其實選擇好多，大大話話有成十幾款意粉選擇，仲有d前菜小食咁，飲品除咗咖啡、仲有花茶，果汁，要揀定食d咩都需要一d時間！
我order 咗個三文魚三文魚籽蘆筍意粉，朋友叫咗個冬蔭公大蝦意粉，當然唔少得招牌士多啤梨西瓜蛋糕啦！
三文魚意粉係忌廉白汁底，三文魚切粒，配上紫洋蔥、什菌、蘆筍，醬汁濃稠度適中，忌廉味濃郁。蘆筍同什菌亦都非常多，我差每一啖都總會食一d蔬菜，感覺健康d，可以平衡翻忌廉嘅heavy 感覺。
朋友個冬蔭公大蝦意粉我都試咗幾啖，味道都幾特別。雖然係冬蔭公，但一d都唔辣，反而好香椰奶味，大蝦身型唔算大，但肉質都彈牙！
最後，唔少得係我嘅至愛，士多啤梨西瓜蛋糕！無得輸，無論食幾多次都一樣咁鐘意食！西瓜係唔知點解一年四季都咁甜咁多汁，好奇一問之下，原來係用馬來西亞嘅品種。挑選優質食材果然好重要，起碼保持咗產品嘅質量，真係每次去食都覺得好好食！正！每次去都會試不同嘅意粉，唯一不變嘅係，甜品一定會係叫呢款西瓜蛋糕！
Post
