榴蓮王 (Closed)

最近有機會同朋友去油麻地嘅一間叫榴槤王食嘢，老闆非常熱情招待，整間店舖都充滿了榴槤既香味。首先，老闆介紹我哋食"榴槤心太軟"即叫即整，非常新鮮。賣相吸睛之餘，心太軟中間仲會溜出香味濃郁嘅榴槤，香甜嘅朱古力蛋糕非常軟綿綿，而且口感一啲都唔濟。除咗心太軟之外，仲會有店舖自製嘅榴槤冰，入口即溶，滲透出陣陣嘅榴槤味道。之後，我哋食咗一個貓山王嘅白雪餅$28、都喺即叫即整，仲可以睇住製作嘅過程。老闆會先烘一烘餅底，再放饀料，最後加餅面用火槍微燒，當中係無用到 糯米粉，但咬落非常軟熟同煙韌。另外，我哋試左一個藍莓芝士味白雪餅，餡料非常豐富，食得出是用心製作。最後，我地仲食咗榴槤泡芙，是一口迷你的，入口一咬即爆出鮮甜嘅榴槤蓉，真係一試難忘。