金枕頭泰國餐廳

Open Now

Now Closed

話說因為上次係尖沙咀食左個貴夾味道一般嘅泰菜私房菜，所以最後結論都係食泰菜緊係去返我平時最愛嘅飯堂。（星期六晚1930去到竟然要等位）今次叫左4樣野食。1. 蒜蓉包 $26/4件— 我的最愛！試過好多間都係覺得呢間最好味！個包外軟內脆（食果時唔會比包邊𠝹到個口），加上牛油、蒜蓉醬，好味2. 冬陰公湯 $65/細 — 非常足料，料多到食唔晒！（有蝦、秀珍茹、蕃茄、香草）甜、酸、辣味有齊，仲有淡淡椰香！雖然未去過泰國，唔知正宗係點，但對於平時唔太好湯水嘅我黎講係幾好飲。3. 豬頸肉串燒 $50/4串 — 每次必叫，最鍾意就係佢食落有炭燒味。4.柚子生菜包 $78 — 第一次叫黎試！比起平時 食開嘅生菜包多左柚子、芒果絲。肉碎辣辣地，加上柚子同芒果絲，中和返，非常fresh。下次會再叫。最後再個人食左$300幾（外賣左個芒果糯米飯返屋企食。