Greyhound Café (新城市廣場) (Closed)

食泰國菜，第一時間就會諗起九龍城。不過想食得有style啲，可以去Greyhound Cafe~ 今日去咗沙田新城巿嘅分店，裝潢以灰黑色為主嘅歐美工業風，夠晒型格，配合返Fusion泰菜嘅主題。佢哋最近推出新menu – Bangkok Street Favorites，試吓係咩料先。【啖啖蟹肉奄列】奄列煎得好香，上枱仲係熱辣辣，見到奄列面頭有少少蟹肉，心諗「唔係呀，得咁少蟹肉?」，切開奄列原來啲蟹肉絲喺晒奄列入面。奄列蛋味香濃，啖啖蟹肉滋味，唔駛蘸個泰式醬都夠好食，正~【黃咖喱海鮮炒河】呢度嘅河粉係不規則形狀咁，有咬口，幾特別。黃咖喱唔係炒完河粉再加黃咖喱汁，而係將黃咖喱同河粉一齊炒，另外仲加埋香芹提味，食得出有火喉兼炒得入味，香而不辣。海鮮有帶子、大蝦、魷魚，全部都大大件又爽口，絶對值回票價。【泰式香茅明爐魚】先試湯汁，淡淡香茅味道，酸酸哋帶微辣，幾開胃惹味。魚肉鮮嫩，預先已切開一片片方便食。仲有菇、椰菜、肉碎等配料，明爐保持食物溫度，慢慢食都唔怕。餐廳走型格路線連個爐都特別有style，一個灰黑色厚重大盒，見唔到火，更加安全。【泰式珍珠奶茶】炎炎夏日歎返杯珍珠奶茶就啱晒，有泰式奶