鍋卷鳴門 (Closed)

一晚食咗刀貝、鮑魚、沙白、白貝、虎皮螺、小黃蟶、九節蝦、青口、瀨尿蝦、生蠔、大閘蟹，真係好滿足！朋友一早訂定位，諗住同我放縱一晚。 揀咗最貴嘅「上忍之卷」，除咗可以出去任夾海鮮，仲有生蠔同埋日本和牛任叫。諗住食海鮮，搵啲清啲嘅湯底。清酒煮蜆湯同傳統鰹魚清湯，兩款湯底都同海鮮非常之夾，特別係清酒煮蜆湯，淡淡酒香又落咗超多蜆帶出鮮味，就咁飲已經好好飲。火鍋之後飲，滙集所有海鮮嘅精華更加係鮮味無窮，一定要飲呀☺️！生蠔係法國生蠔，大隻、厚肉、爽脆，食完之後有餘香，正！🇯🇵日本產和牛油脂豐富、粉嫩、極大片，淥幾秒就食得，嫩滑呀！見到隔嚟幾枱食客喺度拆緊大閘蟹，原來餐廳有做大閘蟹放題，有啲客人直頭連湯底都唔要，全晚淨係食蟹，搞到我哋都好想食添🤪。 單點咗兩隻試吓，今年初嚐大閘蟹啊！唔算係大隻，不過都多膏，甘香美味。✨食完記得自己出去沖返杯熱辣辣嘅蜂蜜薑茶。跟住係重點環節，就係出去夾海鮮，今日除咗蝦，全部都係勁新鮮！先用冰整暈啲海鮮先，夾嗰時啲海鮮有掙扎，都有啲驚。 唔理喇，越掙扎證明越新鮮。每款海鮮都有試，瀨尿蝦一般餐廳好少有，夾多啲；有一款叫虎皮螺，孤陋寡聞，第一次見，以為係獅蚶，入面有啲似北寄