Video
Read full review
2017-06-06
489 views
記得第一次食既時候，我去到果陣係7:30….D包已經搶手到賣曬！我都係專登落去食，都幾唔開心。下次去食之前我醒目呀，識得打電話去問問仲有無貨先起行，而且唯有旱點放工旱點飛過去食。好彩，之後兩次帶朋友去都有得賣，無令佢地失望，不過我醒水早左好多~六點半之前就去霸定靚位啦。原來除左未來漢堡之外都仲有好多食物選擇，例如雞絲粉皮、海南雞飯、台式滷肉飯同各款沙律飲品等等。不過除左漢堡包之外就唔係樣樣都日日有，要視乎個熱櫃當日仲有無存貸。睇arm食邊樣，食唔食到真係撞手神啦！先黎介一介紹個環境。本身查實係一間賣素食產品既鋪頭，有好多唔同地方入口既貨物、不論食既用既一應俱全、十足一個迷你超市。另外燈火通明，用餐區枱椅設計令人好relax,最適合三五知己圍埋食野傾計﹝都有少少似幼稚園d枱椅﹞。用餐區不遠處就見到酷似小食counter 既廚房，開方式~幾開揚。未來漢堡包主要有兩款，一款叫classic、另一款叫Plus,分別在Plus係有牛油果同素芝士。Order 完之後差唔多要等5-10分鐘，不過其實到食果陣都有些少唔夠熱。至於份量大呢點就不容置疑，一個口打開到最大都唔會一啖食曬所有料，相當滿足呢&#
下次去食之前我醒目呀，識得打電話去問問仲有無貨先起行，而且唯有旱點放工旱點飛過去食。好彩，之後兩次帶朋友去都有得賣，無令佢地失望，不過我醒水早左好多~六點半之前就去霸定靚位啦。
原來除左未來漢堡之外都仲有好多食物選擇，例如雞絲粉皮、海南雞飯、台式滷肉飯同各款沙律飲品等等。不過除左漢堡包之外就唔係樣樣都日日有，要視乎個熱櫃當日仲有無存貸。睇arm食邊樣，食唔食到真係撞手神啦！
先黎介一介紹個環境。本身查實係一間賣素食產品既鋪頭，有好多唔同地方入口既貨物、不論食既用既一應俱全、十足一個迷你超市。另外燈火通明，用餐區枱椅設計令人好relax,最適合三五知己圍埋食野傾計﹝都有少少似幼稚園d枱椅﹞。用餐區不遠處就見到酷似小食counter 既廚房，開方式~幾開揚。
未來漢堡包主要有兩款，一款叫classic、另一款叫Plus,分別在Plus係有牛油果同素芝士。Order 完之後差唔多要等5-10分鐘，不過其實到食果陣都有些少唔夠熱。
至於份量大呢點就不容置疑，一個口打開到最大都唔會一啖食曬所有料，相當滿足呢><。D肉汁係多到滲曬出黎！有人話呢塊漢堡扒不論係外型同味道都同真肉無異，其實我查過主要成份係豌豆居多，我自己就認為不論個樣、色水都係似真肉，但食落味道雖然唔係傳統素肉味、但亦都唔似真肉。個肉質纖維比較粗同散，無真牛肉咁細密，咬真d會係一粒一粒既感覺。
另外我覺得牛油果同呢個未來漢飪其實唔多夾，雖然係牛油果愛好者，但我都係認為素牛肉配牛油果唔太恰當。原因係牛油果本身係屬於比較清淡既生果，通常配一d無咁濃味既菜一齊食先可以突出到佢本身個果味。但牛肉漢堡本身就有味仲要另加醬汁，幾乎完全蓋過牛油果的鮮味。計我話漢堡都係配返爽口既蔬菜、例如青瓜等等最實際。
在我而言，108蛟一個漢堡包係非常之合理，如果Classic仲平、只係要78蚊咋。不過除左漢堡之外，其他食物就貴得有點離譜啦！好似個海南雞飯咁，成盒得果3舊「雞」、每舊只有約半隻手指咁長…咁就賣90幾蚊，可能未必夠飽。
不過好多謝鋪頭送野俾我，當日每位顧客買超過某個金額就會送一份禮物、樣樣唔同架！當日我收到一包薯仔絲、有藜麥同菜。我用左黎炒素肉丸帶飯返工加粟米汁，多謝曬。
Burger Plus
83 views
0 likes
0 comments
Post
