Video
Read full review
2019-08-09
1214 views
都有一排冇食火鍋放題，元朗有一間唔算開咗好耐嘅火鍋放題店，次次經過都見到入邊滿座，見到價錢又唔算太貴，就一於試吓。餐廳內外餐廳嘅設計以左邊為座位，右邊就係自助區，位於位之間都冇隔板，所以一眼就望晒所有嘅座位，同一般食任食嘅餐廳設計格局有少許分別，建議可以加多少少排風口。食物選擇原來唔止食火鍋放題，佢係有晚市Menu，可以食普通晚餐，又或者雞煲放題，但我同女朋友就當然係食佢嘅火鍋放題啦，揀左$198可任食肥牛、豚肉及雞。自助區有前菜、炸物、數款熱食、火鍋配料區、甜品及飲品。前菜都係正路嘅中華沙律、螺肉等等，炸物有香芋球、炸蟹鉗，火鍋配料正路嘅都有超過10款丸類，有麵有響鈴等等，每款丸都試勻哂，當中有一款入面係年糕，幾特別。而甜品飲品數量款式都夠，唔少得有Häagen-Dazs雪糕任食。火鍋可選豚骨、番茄或麻辣湯底，或者加錢升級做花膠雞湯底、麻辣魚頭湯底等等，我哋就揀咗蕃茄湯，鍋底十分之大一煲，入邊亦足料，味道清甜，我就慣咗會再加南瓜落去一齊煮令湯底更加清甜。我哋揀咗$198為包任食美國肥牛、豚肉及雞。肥牛唔算肥，似牛肉片；臀肉就比較薄身；雞就係雞柳，由於蕃茄湯底夠濃郁，肉類都索汁，食落去
餐廳內外
餐廳嘅設計以左邊為座位，右邊就係自助區，位於位之間都冇隔板，所以一眼就望晒所有嘅座位，同一般食任食嘅餐廳設計格局有少許分別，建議可以加多少少排風口。
食物選擇
原來唔止食火鍋放題，佢係有晚市Menu，可以食普通晚餐，又或者雞煲放題，但我同女朋友就當然係食佢嘅火鍋放題啦，揀左$198可任食肥牛、豚肉及雞。
自助區
有前菜、炸物、數款熱食、火鍋配料區、甜品及飲品。前菜都係正路嘅中華沙律、螺肉等等，炸物有香芋球、炸蟹鉗，火鍋配料正路嘅都有超過10款丸類，有麵有響鈴等等，每款丸都試勻哂，當中有一款入面係年糕，幾特別。而甜品飲品數量款式都夠，唔少得有Häagen-Dazs雪糕任食。
火鍋
蕃茄湯底
6 views
0 likes
0 comments
可選豚骨、番茄或麻辣湯底，或者加錢升級做花膠雞湯底、麻辣魚頭湯底等等，我哋就揀咗蕃茄湯，鍋底十分之大一煲，入邊亦足料，味道清甜，我就慣咗會再加南瓜落去一齊煮令湯底更加清甜。我哋揀咗$198為包任食美國肥牛、豚肉及雞。肥牛唔算肥，似牛肉片；臀肉就比較薄身；雞就係雞柳，由於蕃茄湯底夠濃郁，肉類都索汁，食落去清甜不油膩。
爐端燒
海陸空機燒拼盤
5 views
0 likes
0 comments
海陸空機燒拼盤
9 views
0 likes
0 comments
爐端燒雞
8 views
0 likes
0 comments
凡兩位惠顧火鍋放題，都會送「海陸空機燒拼盤」俾你食爐端燒，包括有豬牛羊串燒、雞翼以及海鮮。串燒同雞翼本身已經醃製過，鍾意嘅可以自己再加鹽、黑胡椒或者七味粉，肉質醃得入味，自己把握好燒串燒嘅時間，都幾有風味。而所送嘅海鮮有蜆、蝦、青口、生蠔，仲有鮑魚添。不過開頭以為串燒可以refill，但原來refill要加錢，換言之爐端燒燒完一次就冇，主要都係食火鍋。不過我哋諗到可以用打邊爐嘅肥牛、雞及豚肉做爐端燒，發現自己拎啲醬醃製過既雞肉放上去燒，味道唔錯。
整體來說，因為有送到海鮮，仲有鮑魚，感覺上就比較划算，正路打邊爐嘅配料款式都有齊，甜品亦有品牌雪糕Häagen-Dazs，價錢可以，不過爐端燒嘅肉類我覺得可以比客人refill就更好。
Post
