金滿膳燒味餐室 (Closed)

琴日同朋友去開牛頭角，經過呢間金滿膳燒味餐室，就入左去食午餐，又幾好食喎👍😋我就食左個金滿膳燻香燒鵝髀飯，個燒鵝髀真係好大隻，蓋住哂成個飯🤣🤣個皮好薄，啱啱好，唔會太油膩，啖啖肉，好香鵝香味，燒得好脆，飯就吸哂鵝既油脂，啖啖都係香味，配埋鵝髀食好滿足，飯又唔會淋，粒粒分明👍😚而朋友就叫左碗，秘製燻蹄飯，咁大碗都係$48咋，份量都幾大，差唔多有成10舊，燻蹄肥瘦分明，唔會淨係得肥肉，肉既部分都幾多，入口幾彈口，酸酸甜甜咁好開胃，配埋飯都好好食😋👍下次經過再黎！