Steak Bar (Closed)

近來都冇咩娛樂，想對自己好啲，唯有晏晝食個好啲嘅午餐。今日嚟咗steak bar食餐好嘅，我哋叫咗一個「石燒薄切牛肉定食」（ $120 ），同埋一個「吉列炸和牛扒定食」（ $278 ）。而家午餐仲免費送飲品和小食，我記得之前要加錢㗎，而家免費啊！正！本身小食係牛筋煮，不過啱啱賣晒，店員就話送薯條俾我哋，不過同事又唔識薯條，所以又轉左雞翼，結果我哋兩款都試曬，好開心呢！雞翼炸得脆，仲有蜜糖汁喺面頭，好好味！薯條亦都新鮮炸，唔會太鹹，正！重點梗係食過燒牛啦，兩個set送上相當豐富，我哋留意到吉列和牛個石鍋冇牛油，但薄切牛肉嗰個就有，以為佢漏左啦，跟住店員解釋因為薄切牛肉比較乾所以需要牛油來煎，但和牛本身油脂好夠所以就唔使啦，估唔到咁微細嘅嘢都貼心安排，印象分加晒！薄切牛肉燒兩下就已經食得，估唔到食落感覺Juicy,都幾好味喎！至於吉列和牛都幾厚切，肉質好唔錯，有肉汁保持到之外，吉列嘅表面食落又脆口感覺，所以都好好味。除餐附送沙律、豆腐和一大碗灑有味素嘅飯，好滿足呀！