棋哥燒鵝 (Closed)

最近想快啲食完晚餐就返屋企，所以揀啲快靚正嘅餐廳，棋哥嘅燒鵝都幾出名！嚟呢度叫咗個二人餐，比起單叫更抵食！包左一碟燒鵝、一碟自選燒味、一碟油菜、兩碗粉面同兩杯飲品，叫咗唔使好耐就已經有得食。例牌燒鵝一碟，而家唔使再特登去深井食因為呢度嘅質素都差唔多，燒鵝肥瘦適中，皮脆肉嫩。自選燒味叫左叉燒，叉燒大大碟，兩個人唔係好食得晒，食落味道鹹咗少少，不過都係半肥瘦，正！仲有兩碗瀨粉，唔好以為跟餐會細碟啲，碗瀨粉都好大碗架！