裕鵝莊 (Closed)

如果講開食燒鵝，我估大家都知道在深井嘅裕記燒鵝係出晒名！但因為車程比較遠，所以要等朋友駕車入去，但現在有了新選擇就係在這個位置的選擇，因為是都係由家族第三代主理，口味用料都係原來口味！今晚就買外賣回家，同家人一齊分享這個味道，當然深井燒鵝必選啦，因點了個燒味雙拼，所以就要例牌，份量都好大份，熱盪盪即斬，而跟杯一樣熱盪盪嘅燒鵝汁分，讓你食時可以讓鵝肉味道更濃嘅，燒鵝皮燒得十分香脆，肉質嫩滑軟熟，不會覺得肥膩，真係十分美味！加埋個白飯，絕配！而燒味雙拼選了最愛叉燒同燒腩，叉燒肥瘦適中，入口軟淋，而中間嘅肥肉經燒後，同近邊瘦肉互補雙口感，肥肉在口中熔化又有口感，正！家人甚喜歡！而燒腩皮脆肉香，咬下去脆卜卜，十分香口，而腩肉肥瘦比例適中，一齊入口時，由脆口感覺到肥美帶點咸嘅腩肉都感覺清楚！除此之外，還有個十分足料嘅鵝莊小炒皇，打開見到用料十足，有韭菜花，銀魚乾，蝦乾，鮮魷魚等，說真的接近啖啖都有！鑊氣十足，送飯佐酒真係一絕！還有個個人喜好 嘅黃金蝦多士，金黃香脆嘅多士上放了蝦肉同蝦仁一齊炸到金黃香脆嘅樣子，作為餐前小食又係一個不可錯過的選擇！包裝上已有疏氣孔，確保質素，技術能夠承傳，我們先可以