Video
Read full review
2023-02-06
351 views
深水埗 Tino s pizza 開張咁耐，經過無數次，但總係無緣幫襯，想幫襯時就爆場，當飲飽食醉經過佢地餐廳就大把位! 原來事必有因！今次去完大埔公路幫朋友間屋睇風水之後，落去深水埗醫肚，經過見到有位，終於有機會入去試吓佢地D pizza.餐廳環境極有格調，係深水埗罕見，雖然內裡好闊落，但就攪到坐得好鬼擠迫.點咗個套餐，有芝士薯條，唐揚炸雞，蒜香海鮮 Pizza 薄批同紅茶.首先大愛沙冰雖然有提供，但只有牛油果味! 點解唔出其他味呀? 扣分！紅茶無甜味，我要問佢地攞糖漿添加.自從唔再幫襯 KFC 同老麥 (因為偷工減料) 之後，已經少食薯條，Tino s 嘅薯條口感比老麥更熱更脆，薯條上嘅芝士反而食唔出味道.唐揚炸雞最出色，外脆內軟又 juicy，跟炸雞嘅甜醬出奇地惹味，應記一功.食炸雞時已經不停聞到 Pizza 嘅香蒜味，但入口味道頗淡，我要加上大量芝士粉，先至夾自己嘅重口味，而且批底唔夠脆，size 又細咗D, 唔夾自己口味.食完之後先突然醒起，其實老天爺一早已經俾咗 signal 自己，但我都仲要去幫襯，咁就無得怪人地啦!最後一提，餐廳人手明顯唔夠但侍應對住我哩d麻煩人，服務
原來事必有因！
今次去完大埔公路幫朋友間屋睇風水之後，落去深水埗醫肚，經過見到有位，終於有機會入去試吓佢地D pizza.
餐廳環境極有格調，係深水埗罕見，雖然內裡好闊落，但就攪到坐得好鬼擠迫.
點咗個套餐，有芝士薯條，唐揚炸雞，蒜香海鮮 Pizza 薄批同紅茶.
首先大愛沙冰雖然有提供，但只有牛油果味! 點解唔出其他味呀?
扣分！
紅茶無甜味，我要問佢地攞糖漿添加.
自從唔再幫襯 KFC 同老麥 (因為偷工減料) 之後，已經少食薯條，Tino s 嘅薯條口感比老麥更熱更脆，薯條上嘅芝士反而食唔出味道.
唐揚炸雞最出色，外脆內軟又 juicy，跟炸雞嘅甜醬出奇地惹味，應記一功.
食炸雞時已經不停聞到 Pizza 嘅香蒜味，但入口味道頗淡，我要加上大量芝士粉，先至夾自己嘅重口味，而且批底唔夠脆，size 又細咗D, 唔夾自己口味.
食完之後先突然醒起，其實老天爺一早已經俾咗 signal 自己，但我都仲要去幫襯，咁就無得怪人地啦!
最後一提，餐廳人手明顯唔夠但侍應對住我哩d麻煩人，服務態度都好好! 讚!
蒜香海鮮pizza
4 views
0 likes
0 comments
南瓜湯
4 views
0 likes
0 comments
甜品
3 views
0 likes
0 comments
Post
