Video
Read full review
2022-10-17
78 views
今集係食在元朗系列，假期約埋2位老友食晚餐，其中一位比較鍾意食日本野，就搵左幾間俾佢選擇，最後就揀左呢間千杯串居酒屋，睇清楚d原來我同同事係呢度都食過一次午餐既，都係比較一般d同午市都要收加一，咁黎睇下個晚餐質素會唔會好d啦。我地book左位6點半，當時都岩岩好有2枱客入去，店內環境算幾細都有卡位，擺設算企理，門口都有2張枱俾有特別需要既客人坐，但坐外面就係大街人流都幾旺下，可能會無咁舒服。睇過下餐牌其實款式唔算多，有一般普通既串燒，無炒飯炒麵之類既，壽司都好似無，刺身得幾款基本既如三文魚，我本身有落單燒鮑魚同海膽喬麥麵都話無，算啦小食有時無食材都無辦法。德島縣三品雞盛去居酒屋食點可以唔叫串燒，先試下呢款全雞串燒，標榜用日本雞，分別係雞胸3角骨，雞肝同雞腎，先試下個雞胸，食落就熱既，但感覺燒得唔香，雞胸就當然鞋口d啦，3角軟骨咬得開口感算幾好，燒汁都唔錯，可能驚雞胸燒得耐會過柴啦，呢隻就還好，雞肝雞腎好似都有同樣問題，個心有d癡住枝竹籤，感覺火喉爭d。日本生蠔由於小弟唔食生蠔的，其中一位老友食，佢就話無乜海水味，唔多鮮甜，一般般，無自助餐果d好食喎，跟個醬有d似是拉差辣醬。喜之次一夜干
我地book左位6點半，當時都岩岩好有2枱客入去，店內環境算幾細都有卡位，擺設算企理，門口都有2張枱俾有特別需要既客人坐，但坐外面就係大街人流都幾旺下，可能會無咁舒服。
睇過下餐牌其實款式唔算多，有一般普通既串燒，無炒飯炒麵之類既，壽司都好似無，刺身得幾款基本既如三文魚，我本身有落單燒鮑魚同海膽喬麥麵都話無，算啦小食有時無食材都無辦法。
德島縣三品雞盛
去居酒屋食點可以唔叫串燒，先試下呢款全雞串燒，標榜用日本雞，分別係雞胸3角骨，雞肝同雞腎，先試下個雞胸，食落就熱既，但感覺燒得唔香，雞胸就當然鞋口d啦，3角軟骨咬得開口感算幾好，燒汁都唔錯，可能驚雞胸燒得耐會過柴啦，呢隻就還好，雞肝雞腎好似都有同樣問題，個心有d癡住枝竹籤，感覺火喉爭d。
德島縣三品雞盛
$138
6 views
0 likes
0 comments
日本生蠔
由於小弟唔食生蠔的，其中一位老友食，佢就話無乜海水味，唔多鮮甜，一般般，無自助餐果d好食喎，跟個醬有d似是拉差辣醬。
日本生蠔
5 views
0 likes
0 comments
喜之次一夜干
98蚊算幾平，不過比較細條，同樣好似火喉唔多好，食落入面d肉仲有d水氣，好似霉霉地咁，外皮就燒得幾脆，係肉差d。
喜之次一夜干
$98
4 views
0 likes
0 comments
原條黑豚露荀卷
呢串串燒算幾好，豚肉唔會燒得太柴，露荀都爽脆，燒汁正常。
原條黑豚露荀卷
$32
1 views
0 likes
0 comments
原條魔女茄子
俾個名吸引左叫既，上到枱原來係連埋個頂黎燒，外型似個魔女頭咁，算幾得意，但都係果句，燒得一般，茄子有d位比較生d外皮就燒到有d黑，面頭鋪滿晒d肉碎就少少微辣咁，調味係ok既，但燒野既火喉控制我真係覺得比之前食過幾間居酒屋黎講略差少少。
原條魔女茄子
$68
9 views
0 likes
0 comments
雞白湯火焰牛拖羅拉麵
湯底不算好濃味，拉麵有少少曲算掛湯，牛拖羅應該係牛腩片之類既，半生狀態食落算幾嫩滑，呢個麵算幾唔錯啦。
雞白湯火焰牛拖羅拉麵
$82
5 views
0 likes
0 comments
濃汁伊比利亞黑豚丼
全餐最可怕既野我留到最後講，呢個飯其實已經好早上左枱，先講質素，汁係幾濃幾多甜甜地有幾重既洋蔥味，肉黎講都幾多食落都ok，飯用珍珠米煮得就比較濕，再加埋d汁就更濕，最後要講既係，當我地食到3分1左右見到有條好長既頭髮，係癡實左係飯既中間，成尺長，即時無胃口，朋友們都話有時出黎食野呢d眼不見為淨，但最慘俾我見到呢，我就無影到條頭髮出黎俾大家睇廢事嚇親大家啦，事後同返侍應阿姐講叫佢地留意下，好彩我地唔係d咩麻煩客，當唔好彩算了。
濃汁伊比利亞黑豚肉丼
1 views
0 likes
0 comments
飲品就要左杯威士忌梳打，2位朋友就飲水果茶，真係飲返d酒消下毒先。
威士忌梳打 四季水果茶
5 views
0 likes
0 comments
整體黎講食物比較一般，款式都唔算多，價錢黎講中規中矩啦，本身評分想打ok，但果條頭髮太嚇人，最後決定差評。
Post
