八番屋 (Closed)

公眾假期一家四口嚟大埔新達廣場八番屋食午餐，我哋叫咗咖喱吉列豬扒丼，蕎麥冷麵配日式炸雞球三件，兒童餐迷你拉麵加粟米杯同埋餃子三隻，仲有一個辣嘅胡麻担担叉燒拉麵。兒童餐等咗25分鐘，仲要催左三次先至有，出餐實在太慢，蕎麥冷麵都係都等咗20分鐘。全張單最後嚟嘅，竟然係兒童餐個粟米杯🤔️完全唔明點解要整咁耐？味道方面，吉列咖喱豬扒丼太辣，胡麻担担叉燒拉麵冇乜味，啲麵太冧，同埋一啲都唔辣。唯一覺得好味嘅係蕎麥冷麵配日式炸雞，但係真係得好少雞。連小朋友都話唔會再幫襯☹️