BRICK LANE Deli (Closed)

星期日出去新城市廣場行街，行到攰，就想搵啲嘢食，偏偏間間餐廳都大排長龍。好彩，我哋用手機程式，預先攞咗飛唔使排隊，行到去呢間餐廳就已經可以順利入座，慳返唔少時間。我哋嗌左兩款嘢食，其中第一係黑松露意粉，加咗個薯條小食。第二係煙三文魚Benedict egg，另外配左一個甘筍湯食後分享：1. 老實講，嘢食水平只係好普通，松露意粉幾香幾好味，Benedict egg就正常，甘筍湯有驚喜。價錢唔貴，兩個人埋單都係二百零蚊。2. 就算係疫情之下，枱與枱之間嘅距離仍然係好迫，坐得都幾唔舒服。下一次未必會再嚟。