Video
Read full review
2010-06-11
6 views
從來唔寫食評，估唔到一寫要因為咁既原因而寫。大家如果真係想幫襯呢間野，就記住睇睇先，為你地好！我唔係講笑，而家打緊呢篇野既時候，條褲腳都仲係濕淋淋既！長話短說，就係有侍應將一杯熱飲加另外一杯凍飲同時倒瀉，將我同事由膊頭到腳淋到濕哂，又熱又凍又黐立立，連我坐晌佢身邊都波及，成隻腳濕哂。個侍應就係去拎左啲紙巾俾我地抺，係咁多喇，我連佢有冇講對唔住都唔記得。不過我諗佢其實都已經好驚，因為咁樣淋個客，個客唔發癲先奇。咁我個同事不嬲都好斯文，無即時鬧人，只係忙住幫自己抺乾件衫。而個侍應只係顧住清潔，無理過我地喇。直至到一位類似經理既人發現，見佢瞪大隻眼表示：咁大鑊？開始同我地換枱，我一直等緊道歉，因為見到我同事嬲到飯都食唔落，但佢地既對唔住講得既細聲，又快速，又唔望人，我覺得係零誠意。好無奈之際，俾我發現到一個四眼類似餐廳老闆既人兄，於是我望住佢，同佢講︰已經唔係第一次見你侍應倒瀉野落客度。估唔到佢好似覺得好意得咁答我︰哦，唔怪得你咁熟口熟面，多謝幫襯！多謝哂！我真係想即刻爆粗，你串我啊？即係話我笨實啦？咁都仲幫襯你？咁好喇，唔想同佢嘈，等到食完佢都無表示，當無事。我忍唔住問佢︰老闆，發生呢件事
大家如果真係想幫襯呢間野，就記住睇睇先，為你地好！
我唔係講笑，而家打緊呢篇野既時候，條褲腳都仲係濕淋淋既！
長話短說，就係有侍應將一杯熱飲加另外一杯凍飲同時倒瀉，
將我同事由膊頭到腳淋到濕哂，又熱又凍又黐立立，
連我坐晌佢身邊都波及，成隻腳濕哂。
個侍應就係去拎左啲紙巾俾我地抺，係咁多喇，我連佢有冇講對唔住都唔記得。
不過我諗佢其實都已經好驚，因為咁樣淋個客，個客唔發癲先奇。
咁我個同事不嬲都好斯文，無即時鬧人，只係忙住幫自己抺乾件衫。
而個侍應只係顧住清潔，無理過我地喇。
直至到一位類似經理既人發現，見佢瞪大隻眼表示：咁大鑊？
開始同我地換枱，我一直等緊道歉，因為見到我同事嬲到飯都食唔落，
但佢地既對唔住講得既細聲，又快速，又唔望人，我覺得係零誠意。
好無奈之際，俾我發現到一個四眼類似餐廳老闆既人兄，
於是我望住佢，同佢講︰已經唔係第一次見你侍應倒瀉野落客度。
估唔到佢好似覺得好意得咁答我︰哦，唔怪得你咁熟口熟面，多謝幫襯！多謝哂！
我真係想即刻爆粗，你串我啊？即係話我笨實啦？咁都仲幫襯你？
咁好喇，唔想同佢嘈，等到食完佢都無表示，當無事。
我忍唔住問佢︰老闆，發生呢件事雖然係意外，但同事真係成身都濕哂，
你會唔會做啲咩表示，令佢可以順返條氣？
要我開聲好似要脅你咁，但你咩都唔做我地就一定唔會再幫襯。
佢笑口噬噬答話︰哦得得得，睇下佢地有咩可以做﹝講到好似唔關佢事咁﹞。
我就等埋單。
點知跟住黎左幾個細細杯好似啫喱既物體，
我直頭同佢講，我飽喇，唔要，唔該唔哂俾我。
其他同事當然都好不滿，掂都冇掂杯野。
咁終於都叫埋單，哈，免加一only！死未？
如果呢啲野係我同老闆直接交涉之前，你員工直接offer俾我，
我諗我地會接受。
你要我出埋聲先做重要做得咁差？你老闆黎架喎？
我一路都唔出聲無影響你啲客人，你就當我好洽？
斯斯文文客客氣細細聲咁同你講，係俾次機會你，
你又冇了解我有咩不滿，又冇誠意，好敷衍咁道歉，
淨係免加一同俾個送都無人要既甜品就當道歉？當我地乞衣啊？
最討厭啲人睇到個錢咁大，咁大間食肆開晌中區，
午餐成七十幾蚊一個，賺少一個半個蝕死你啊？
爭唔爭在嗰幾十蚊啊？你免左我位同事既收費，咁佢都無咁嬲丫！
如果唔係我出聲，我諗你連呢啲都唔會做，當冇件事！
我地係以後、永遠都唔會再返黎，
網友們如果真係要去，小心睇頭！隨時照頭淋！
仲有，做侍應既，唔好淨係識得驚，做錯事最緊要補救，
啲客係識得分咩係意外，咩係應有服務態度。
Post