華星客棧 (Closed)

下晝諗住試吓華星，買外賣番屋企同屋企人一齊食！去收銀問下有無外賣menu, 我想叫外賣！....阿姐一句就話"我地唔做外賣架!" 甘我就問："你地淨係做堂食架咋？" 阿姐："唔係!外賣自己攞就得!" 我心諗我黎得呢度叫，梗係自取啦! 落單期間，呢位阿姐根本就唔知自己餐廳有咩午餐！叫麵變飯！！最後叫左兩隻"森美鹵肶"...等左起碼十分鐘有多....我問收銀姐啲肶係咪鹵緊?佢竟然答我話"係呀！我地即叫即鹵！" 我真係呆左！因為鹵嘢食起碼半個鐘，如果唔係唔入味！甘我再問阿姐"要等幾耐呀?" 阿姐話"10至15分鐘啦!" 到最後,隻肶無咩特別（雖然$20一隻）！叫左炒飯，炒麵...始終西環老舖，茶餐廳最有鑊氣！