EL CID西班牙餐廳 (Closed)

首先講下ｄ食物，因為我地得兩個女仔仲要兩個都算細食，所以今晚淨係叫o左墨汁釀墨魚（$55/5件）、西班牙墨汁海鮮焗飯（$280）同Sangria 西班牙特飲（$90/半lit）！墨汁釀墨魚冇乜咁特別，味道都ok ！那個西班牙墨汁海鮮焗飯就麻麻o剌….食一次就夠喇~ 上面o既大蝦同蜆都唔錯，青口就太乾冇乜味！個飯入面有好多料~ 啖啖飯都食到有海鮮！或者貴就貴o係呢度啦~ 個飯我又食唔出有咩墨汁味喎….反而覺得好乾~ 將墨魚ｄ墨汁混埋ｄ飯一起食先ok！哈哈~不過食完呢餐之後我地個嘴真係黑到好似中毒咁！好樣衰~ 至於那個西班牙特飲呢都幾好！不過好容易唔驚唔覺咁飲醉o左！講番ｄ服務…我都唔知應該話佢好定唔好！雖然佢地會時不時走o黎推介ｄ食物比你；但當我表示冇興趣之後, 佢地粒聲都唔出轉身走o左去！幾次都係咁…算點先????????兩個人咁就食o左四百七蚊你都咪話唔貴！！！！