海興車仔麵

Open Now

Now Closed

食物一般般叫咗兩個車仔麵兩個小食 …… 我叫咗：牛腩豬紅蘿蔔豬皮米粉 $49 ～ 牛腩比較韌，蘿蔔冇味，豬紅豬皮正常，米粉一pat pat，水準中下 …… 朋友叫咗：牛腩牛筋牛肚牛柏葉魚皮餃糖心蛋豬紅通菜蘿蔔豬皮米粉 $112 ～ 朋友話全部一般般，冇味道 …… 小食叫左手拍青瓜 $26, 瑞士汁雞翼 $35 ～ 兩個小食表現正常，不過不失。服務態度超級差叫阿姐一號斟杯熱水，諗住用嚟洗筷子，佢答我枱面壺水今朝裝係熱嘅，跟住唔理我 …… 之後個執枱想趕我哋走，叫我幫佢喺近牆邊枱面攞啲杯碗碟出嚟收走，唔該都冇聲，order我咁 …… 咁我同佢反映岳高頭見到啲掛燈面鋪滿好多塵，d好似棉花糖揚吓揚吓嘅塵，會隨時飄落嚟枱面食物度，好唔衛生，個阿姐二號哦一聲就走咗 …… 全程由落單、食嘢、俾錢，冇笑容冇禮貌。