海興車仔麵

Open Now

Now Closed

去完旅行，想食間平靚正嘅麵檔，就係海興廚車仔麵！佢真係好抵食🥰蕃茄湯底應該有落糖嘅，唔係完全清蕃茄湯。自家製Special蕃茄湯。幾好飲，不過我唔會飲晒。好鍾意食佢嘅蘿蔔和冬菇。蘿蔔大大件，起碼有五至六件有醃過，清甜無根。冬菇有醃過香，大讚韭菜應該係用油水去淥，所以少少油嘅。平時有嗌韭菜底，如果韭菜底啲韭菜真係都好多🥰牛筋冧、牛柏葉爽🙌🙌🙌食完開心晒！想食一碗>$50又大大碗，海興無得輸

今日去佐紅橋到食呢間海興車仔麵，呢間鋪頭第1次食，不過竟然有意外驚喜，個人覺得好食過永年，不論湯底同埋佢d餸，牛筋好正，特別佢個辣汁，堅好食係堅好食，口水雞套餐都係好正，唔算好辣不過好野味，我覺得呢間鋪係值得再去！

今日經過屯門試佐佢個招牌瑞士汁豬排，無諗到咁好食，個湯底好飲到清晒，46蚊3個餸，算係唔錯！有驚喜，會再嚟食！希望keep 到水準，期待下次🤤🤤🤤😋😋😋

食物一般般叫咗兩個車仔麵兩個小食 …… 我叫咗：牛腩豬紅蘿蔔豬皮米粉 $49 ～ 牛腩比較韌，蘿蔔冇味，豬紅豬皮正常，米粉一pat pat，水準中下 …… 朋友叫咗：牛腩牛筋牛肚牛柏葉魚皮餃糖心蛋豬紅通菜蘿蔔豬皮米粉 $112 ～ 朋友話全部一般般，冇味道 …… 小食叫左手拍青瓜 $26, 瑞士汁雞翼 $35 ～ 兩個小食表現正常，不過不失。服務態度超級差叫阿姐一號斟杯熱水，諗住用嚟洗筷子，佢答我枱面壺水今朝裝係熱嘅，跟住唔理我 …… 之後個執枱想趕我哋走，叫我幫佢喺近牆邊枱面攞啲杯碗碟出嚟收走，唔該都冇聲，order我咁 …… 咁我同佢反映岳高頭見到啲掛燈面鋪滿好多塵，d好似棉花糖揚吓揚吓嘅塵，會隨時飄落嚟枱面食物度，好唔衛生，個阿姐二號哦一聲就走咗 …… 全程由落單、食嘢、俾錢，冇笑容冇禮貌。

虹橋真係好多餐廳，每次黎都可以試到新餐廳，今日就試下呢間車仔麵😌😌😌😌佢主打冇味精，自家秘製醬汁雞翼🤪🤪🤪入到去，環境乾淨，不過位置吾太多，有卡位可以坐我哋叫左兩碗車仔麵，叫左芝士腸，牛腩，都係平日普通車仔麵咁叫餸😄😄😄再另加叫左雞翼本身都有啲期望會同普通車仔麵有分別，但食落其實都覺得好多味精😮‍💨😮‍💨😮‍💨😮‍💨雞翼吾錯，可以一試但服務態度認真麻麻地🫣🫣🫣我用個膠袋裝好哂我啲垃圾，去到我走既時候，店員仲要黑面，好似我留袋垃圾係度我吾岩咁🥲🥲🥲其實我廢事成枱紙巾咁核突姐😮‍💨😮‍💨😮‍💨埋單價錢都偏貴🤔🤔🤔

. 紅橋去得多😇諗住食道拉麵🍜點知賣哂😭😭呢間開左半年左右車仔麵未食過😃見同隔離海興廚房同名食過海興廚房都唔錯又有鑊氣👏🏻即管做下白老鼠🤪🍜車仔麵可揀2種味作為湯底👻試左聲稱無味精豬骨湯同沙嗲🙌🏻呢個配搭幾好 清甜又帶啲惹味🤗無腩汁咁重口味既🥲最後悔叫左秘制辣醬 倒埋落碗麵到😖個醬好普通仲破壞左個湯底 不建議揀辣醬😵不過佢有得揀辣菜蒲😍呢個真係睇得出係自家整👍🏻咸酸辣 齊晒 必點！🐷瑞士汁豬扒&雞翼🐔入味就基本🥹雞翼唔係浸到淋哂一咬就甩骨果隻😃我比較喜歡仲有咬口既雞翼👍🏻豬扒厚薄適中、似炸完再調味、唔乾身的👏🏻讚！🥕羅白極清甜！無渣！唔同良景某車仔麵關東煮😄兩間既羅白都高到推介🥳🍗其他餸仲叫咗牛坑腩、豬大腸、腩肉👈🏻呢啲餸基本上冇乜調味、重口味人士就要叫瑞士汁既餸啦😊前身係較時尚裝修既越南菜😃有卡位 環境光猛坐得好舒服💡問左員工 話係對面海興廚房有關連既😇食過兩間都ok既平民小店🙌🏻可以試吓 可能無期望就有驚喜🤭———————————————— 海興車仔麵📍 屯門青菱徑7號華興大廈地下📆星期一至日：未有資料

新張至今天幫襯過3次，車仔麵食物款式和味道不錯，份量適中。職員服務也很好。原本點的全走生菜，結果什麼都沒走，變成鼓油浸油菜。費事換，照食。食落去好似1片生菜用1匙油咁。雖然試著用水沖洗走啲油，洗出來的油明顯黃色且混濁，生菜入口一陣炸生根的油膩味道。以顏色和味道推斷，很明顯用油不新鮮，返用多次。原本叫碟菜食都係想食得健康啲，啲油劣質成咁，真係唔食好過。更令人擔心其他食物都係用劣質油。如果店家唔改善，真係唔敢再幫襯。

見新開就幫襯下，以為會有海興餐廳般驚喜....坐底後直接就叫左蘿蔔牛腩飯 跟 凍奶茶3分鐘後就黎左，個碗就幾大，但碗邊就好多污漬！諗住移近碗野，搞到成手都係污漬其次係唔明點解要落咁多葱粒...草青味已經蓋過哂牛腩汁d味....失敗蘿蔔一睇就知失敗...個芯仲係白色，未煮透....咬入口仲係硬身....唔好食....牛根太多，牛腩太少，個汁太淡...個口食得太多牛根搞到痴住痴住...好辛苦加上大量草青味....好難食....唯一可取之處就係米飯幾靚...但可惜糟蹋於餸菜上！凍奶茶 完全唔掂 一d茶味都冇，成杯野唔夠凍...冰好過就溶哂....食飯期間 聽到老闆娘問個阿叔d食物點煮，邊度入貨...等等....顯然餐廳好多野都仲未到位，連簡單一味 蘿蔔牛腩飯都可以煮到咁.... 唔會再有下次唯一可取就係50蚊，心都冇咁痛，自我安慰吧

食過2次，第一次系新開張時，記得系完全冇車仔麵既味道，四不像，完全不合格，ok 諗住新開張什麼未準備好，願諒你一次，2個月後，最近再試過，進步左一小步，但仍不合格，豬腸冇味，牛根爛哂，熱咖啡是雀巢即冲果隻，大佬呀，比小小誠意麻。點樣撐你呀，你價錢同永年士多一樣㗎。但質素差很遠。希望你努力D啦。

真心好差由落單到出食物都唔理想食車仔麵嘅目的我諗大家都係為左快同速食但由落單到有野食足足20分鐘有多要強調嘅係，當時只有5枱人，每枱只係1-2人可想而知demand 會有幾多？好不容易有野食基本上全部都唔齊全部，意思係每枱嘅出餐因為其他人都不約而同舉手話爭呢樣果樣全鋪頭都係十張八張枱最好笑係送餐服務員係完全唔知道邊張枱打邊張每一次响廚房拎出嚟，就逐枱問係咪佢哋點嘅野食依個時勢個個d 口水都噴曬落去，好危險啫份量又少完全食唔飽仲要係逐個餸計錢好嬲