日和号壽司料理 (Closed)

今日做野經開九龍灣Megabox，就順便揾埋老婆食個lunch啦，原本諗住去太興，不過太多人，就去咗呢間日和号壽司料理。等咗一陣，入得。我叫咗個刺身定食，老婆就叫三文魚蟹棒丼，送餐速度正常，不過就錯漏彼多。我叫刺身定食佢只上刺身，我問仲有個飯同麵豉湯呢？侍應好似唔知個餐包咩咁俾個黑人問照我，再問另外一個先知⋯⋯ 坐我隔離對男女早落order過我但野食就遲過我上，仲要得一個set，追問侍應姐姐，佢話：「鰻魚飯係耐啲㗎！」點知最後發現原來無落單⋯⋯食物一般般叫做乎合翻個價錢，唔太強求。最深刻係自己出去俾錢時遇到個竹炭面姐姐，問多句都好似要扣佢人工咁，態度極差，仲要收加一，無下次！