Cyprium Cafe

Open Now

Now Closed

2023年12月17號時間13:07一共四人，一家四口進入餐廳，一睇餐牌見百零蚊一個午餐，都知冇乜驚喜，唔緊要，志在填飽個肚嗱嗱聲走，總共要咗三國午餐，雞扒意粉一般龍脷飯一般蟹肉炒意粉，出色係好食食物質素講完，招呼真係酒店級，都知百零蚊午餐係咁上下，但真係冇諗過咁差。首先餐廳有兩個年齡，大約5x至6x嘅洗碗阿姐充當樓面，（拍得住譚仔級數），全程黑口黑面，要BB凳，極不情願先攞到嚟，之後餐飲嚟到，我哋order熱檸水兩杯，佢嚟咗一杯凍一杯熱，，我同姐姐講話order 2杯熱檸水，佢話係你自己落單（手機應用程式），係你自己落錯單冇得改？，之後我同佢講，咁你呢杯放低，我另外再加錢要多杯可以嗎？之後黑面程度再升級，放低嘢食係有回音，即係好大聲，劈低就算。其實百零蚊一個午餐食物質素差，都唔係重點，要俾錢入嚟受氣，果下攞命做生意老闆真係好慘，尤其係飲食業，燈油火蠟樣樣都係錢，今時今日經濟環境都唔係好，d餐廳重要用啲今精英嘅樓面，生意好極有限。