Video
Read full review
2010-12-03
3 views
同小學同學聚會，聽朋友講呢間唔錯又坐得耐就試下啦~果然環境唔錯尤其側邊有好足夠0既空間放野，如果係血拼之後黎食都一定有充足地方放戰利品呢我地都差不多7點先到，但客人只有3、4檯咋，完全唔需要顧慮到坐太長時間而被趕。我地叫左以下食物：炸蝦餅：一致認為蝦太少而粉太多，唔夠脆。雞腎串：幾爽脆，但完全唔記得係咩味叉燒拉麵：好奇怪，我食0個塊叉燒係爽脆得似燒豬頸肉咁架~但同學都話佢地食0既唔係呢種感覺，拉麵就因為浸得比較耐先食腍哂喇~豬軟骨烏冬：豬軟骨d骨一d都唔軟，不過總算咬得開，再食埋落肚，d肉都唔會太腍，有嚼勁，烏冬意外地滑，湯底偏鹹，飲左一啖即停手。吉列豬扒咖哩飯：絕對唔食辣的我試左一啖所謂唔辣0既日式咖哩汁都接受唔到，只係食吉列豬扒，外面夠乾身，連入面都乾埋，肉汁欠奉。由於每樣甜品都只係加$16.8，我地叫左兩個都係冷與熱混合0既蕃薯雪糕，一個抹茶紅豆，一個朱古力+果仁(定杏子?有d失憶添)基本上呢.....兩個0既味道係差唔多架，因為都係熱熱0既蕃薯在下，冷冷0既雪糕在上，再淋上唔同0既汁呀、醬呀咁，所以係食個又冷又熱0既混合感覺咁樣囉呢度d店員都幾殷勤，最初幫我地斟0既係普通溫度0
果然環境唔錯尤其側邊有好足夠0既空間放野，如果係血拼之後黎食都一定有充足地方放戰利品呢我地都差不多7點先到，但客人只有3、4檯咋，完全唔需要顧慮到坐太長時間而被趕。
我地叫左以下食物：
炸蝦餅：一致認為蝦太少而粉太多，唔夠脆。
雞腎串：幾爽脆，但完全唔記得係咩味
叉燒拉麵：好奇怪，我食0個塊叉燒係爽脆得似燒豬頸肉咁架~但同學都話佢地食0既唔係呢種感覺，拉麵就因為浸得比較耐先食腍哂喇~
豬軟骨烏冬：豬軟骨d骨一d都唔軟，不過總算咬得開，再食埋落肚，d肉都唔會太腍，有嚼勁，烏冬意外地滑，湯底偏鹹，飲左一啖即停手。
吉列豬扒咖哩飯：絕對唔食辣的我試左一啖所謂唔辣0既日式咖哩汁都接受唔到，只係食吉列豬扒，外面夠乾身，連入面都乾埋，肉汁欠奉。
由於每樣甜品都只係加$16.8，我地叫左兩個都係冷與熱混合0既蕃薯雪糕，一個抹茶紅豆，一個朱古力+果仁(定杏子?有d失憶添)基本上呢.....兩個0既味道係差唔多架，因為都係熱熱0既蕃薯在下，冷冷0既雪糕在上，再淋上唔同0既汁呀、醬呀咁，所以係食個又冷又熱0既混合感覺咁樣囉
呢度d店員都幾殷勤，最初幫我地斟0既係普通溫度0既水，之後有位朋友要求暖水後，每次都識斟番暖水俾我地，而且唔駛我地叫佢地添，而係佢地睇到我地飲到剩番dd就識黎添，幾nice~
所以，都好可能會再黎食，因為坐得幾舒服，同埋都有幾多野未試。
Post
