Video
Read full review
2014-10-26
2052 views
母親大人收到sogo 中銀card 的生日優惠, 只要同行者食滿$150,持咭人就可以免費有個指定餐食, 由於預先訂咗位, 而且係訂8:30, 所以都唔使等位。可能我地訂位嘅時候無講到係有生日優惠, 所以waiter放低咗個menu就無理我地, 咁我地都照正常咁點咗個生日餐加個set dinner, 除非係散叫意粉, 沙律等, 如果唔係d set dinner 都要$200以上, 生日餐就係龍利柳, 我地個set dinner就叫咗個Angus Rib Eye。我地叫完野之後, 隔離枱就入嚟, 當時大概8:45, 個客都未坐好, 個經理就同個客講話你係唔係食個生日餐, 你快D拎張咭出嚟, 我地個生日餐供應到9點咋, 吹到個客甩褲咁, 都算, 結果隔離枱個餐9:30到未到囉, 我心諗, 你一入嚟係咁吹, 但係又要人等成45分鐘先有得食, 離譜咗D掛, 講番我地, 個湯(只得蕃茄湯, 或者可選擇加$45轉做龍蝦湯)+餐包好快就到, 餐包係暖嘅(隔離2枱都係食多士, 不過我都鍾意餐包多D), 不錯, 個湯都好濃, 不過鹹咗少少。根住我個主菜Angus Rib Eye 飲完個湯之後一陣就嚟,
根住我個主菜Angus Rib Eye 飲完個湯之後一陣就嚟, 咁食西餐多數都2位一齊上菜, 就算唔係應該轉個頭就到啦, 而且母親大人個龍利柳應該好易熟, 點知等多咗幾分鐘都未嚟, 咁唯有食住等, 結果我食咗一半個龍利柳先到, 最好笑係隔離2枱都係食龍利柳, 但出餐係無一齊出嘅, 佢地只係望住我地食.......個Angus Rib Eye($258)用料係唔錯嘅, 我叫5成熟係做到嘅, 而且重好有肉汁, 又唔"un", 值得一讚!
個龍利柳上枱時超熱, 係見到煙嘅, 母親大人亦讚水準不俗, 而且話真係龍利柳, 美中不足嘅係d配菜係凍嘅, 有待改善......
總括嚟講, 如果唔係個生日餐係免費嘅話, 呢度嘅價錢係偏貴嘅, 因為呢個價位$220-260per head我覺得會有更好嘅選擇!!!Post
