Bistrocana

Open Now

Now Closed

Bistrocana @ 赤柱前排去左赤柱一間位於赤柱大街嘅意大利餐廳Bistrocana4個人叫左蕃茄醬羅勒青口配麵包，秘制慢煮豬肋骨配薯條及沙律，黑松露雜菌意大利飯，蕃茄水牛芝士pizza首先前菜係蕃茄醬羅勒青口配麵包，青口都算大隻，食到海水味，都幾新鮮，但係蕃茄醬偏鹹，麵包烘到脆卜卜，幾好食。至於份量，赤柱大街餐廳就唔好期待太多啦😜秘制慢煮豬肋骨配薯條及沙律比較普通，豬肋骨燒到有啲窿，醃製嘅醬汁唔係好夠，所以食落有啲乾，薯條都炸到幾脆，不過鹽落多左，沙律就中規中矩。黑松露雜菌意大利飯煮得幾好，飯粒有咬口，食落唔會好乾，雜菌都幾香口，不過黑松露味唔算好濃，如果濃翻啲就好啦。蕃茄水牛芝士pizza幾出色，除左賣相吸引，薄底pizza配上份量十足嘅水牛芝士，食落芝士味濃郁，口感特別，啱晒鍾意芝士同埋薄底pizza嘅朋友。總括而言，CP值唔算好高，勝在有咁靚嘅海景，餐廳位置都方便，天氣好嘅時候確實好chill。另外食物其實都頗有意大利風味，都係偏鹹，鍾意嘅朋友不妨一試。