根

Open Now

Now Closed

千辛萬苦，終於食到根🥲。上次黎，發現佢竟然有落場時間，行到身水身汗嘅我，今次睇準lunch後過黎，終於入到去啦🥰。其實環境算係幾舒服，餐廳正中間有棵大樹，呼應返餐廳名“根”呢個主題。”大樹下”呢個景點，當然好好打卡啦😊，但想坐得舒服，都係坐返另一邊嘅四人雅座好啲啦🙈。⭐️慢煮牛頰肉肉醬意粉呢個意粉，都幾好味，牛肉味都幾濃，茄汁都唔會話好假，整體係好食。以一個打卡餐廳黎講，佢算係超額完成。⭐️牛油果堅果碎吐司基本配置，真心係好基本，物如其名，就係牛油果加吐司加堅果碎。佢又唔係唔好食，但就普通左啲啲，屋企都會整到嘅簡單食譜，賣$148都幾貴😅。本來仲想試下好signature嘅甜品，點知話無😅。客人基本上都係鏡粉😂，睇身上嘅衣物同帶黎打卡嘅公仔，都好明顯分辨到。佢又唔係唔好食，但真係搵唔到記憶點。作為fans，黎支持下都ok嘅。但作為食客，又好似去一次就夠😅。