角落咖啡廳 (Changed Hand) New Restaurant

朋友知我鍾意打卡，約我食飯就去咗呢間打卡餐廳。佢個打卡位都真係幾靚，我都影咗唔少相。成日都講到好一般嘅打卡餐廳其實啲嘢食都唔係太好，但係呢間餐廳嘅意大利粉就好啱我食，我鍾意食辣嘢，我就叫咗個辣橄欖油炒意粉，意粉我唔鍾意食煮得太硬嗰啲，呢度個意粉炒得啱啱好，軟硬度適中，而且夠辣，完全係我杯茶。不過唔知係咪因為多數去打卡餐廳嘅女仔都比較細食，所以雖然佢嘅煙肉材料好足，但係整體嘅份量都比較細，一般女仔應該都夠食，但係我比較大食，唔係好飽。另外，飲品有同樣情況，味道係好嘅，但係好多冰，飲落去兩啖就冇晒。