Coti (沙咀道)

Open Now

Now Closed

彈得人多，今次點都要寫返個讚，話說見今日放假，就搵吓有咩近近地嘅café食個好D嘅早餐，咁上網睇完一輪就發覺呢間D飲品同食物都吸引到我，咁就同女朋友去試下啦，一去到點餐嗰陣已經發覺店員態度親切，呢個位要讚一讚先，之後講返食物，我地點左一個全日早餐，雞扒流心蛋酵母包，焦糖布甸咖啡同埋提拉米蘇，先講食物，全日早餐裡的雞扒調味唔錯，亦都煎得香口，炒蛋亦都夠滑，餐包配上牛油酵母包，我蠻喜歡這種包的質感，有一種煙韌的感覺，而另一款食物因為大致上和我的早餐食材有重覆，所以不多說了，而飲品方面，焦糖布甸咖啡很不錯，咖啡味夠濃，甜度剛剛好，配上脆脆的焦糖感覺也很特別，而提拉米蘇因為有一大層奶油喺面，所以飲落口好順滑，而呢幾樣野加埋都只係15x蚊，我覺得cp值係相當高，最後特別要讚嘅係當我離坐準備行去搭電梯取車時，店員望到我前往的方向便問我係唔係揸車來，之後叫我等佢一等，佢跑左唔知去邊拎左一張第二間食店收據比我免費泊車（因為我喺佢間店度個價錢唔夠錢免泊），單係佢呢一個咁窩心嘅舉動，我覺得好值得寫一篇文來讚揚一下佢地👍