青越 (Closed)

約咗朋友喺坑口食飯，嚟咗呢間餐廳。好耐冇入過嚟，原來坑口變咗咁多。呢間餐廳環境靜靜地幾舒服，裝修幾有特色，啱哂今日傾計嘅心情。我地叫咗一碗泰妃雞飯同埋生牛肉河。泰妃雞雞肉嫩滑，帶微微鹹香，加上甜豉油味道更突出；黃色的雞油飯味道香濃，撈咗蔥油更好食～仲有甜酸蘿蔔絲做配菜，唔怕漏～另一方面，生牛肉河味道都唔錯。牛肉夠嫩滑，個湯都好香。另外仲叫咗杯Caramel Cappucino，原來星期一、二都可以$10叫多一杯同款咖啡！總結：越南菜加咖啡呢個組合幾好，服務同嘢食都唔錯，雖然未必係最好，不過勝在氣氛舒服，飲嘢傾計一流。