青花亭 (Closed)

🟡簡潔裝修，但帶出來的感覺令人舒服。座位空間尚算ok，有兩層，樓底都幾高，整體不錯。2人晚上8點左右去唔洗等位，餐牌大約十多款食物，特式飲品更多選擇。選了一個洋蔥湯同加錢的龍蝦湯，洋蔥湯幾清甜，龍蝦湯好濃郁之後叫了大蝦黑松露意大利飯，墨汁惹味，飯都有彈性咬口，大蝦一般。魚香茄子醬配豬扒，唔係幾食到魚香茄子感覺，同豬扒唔夠嫩飲品方面，真係幾特別，叫了呢杯咸檸expresso梳打, 入口咸咸地之後有甘苦既finishing, 比想像中合得來，另一杯是水蜜桃梳打。總括是不錯，但價錢都不便宜，兩人加起來五百幾。但如果我係附近，會再幫襯。