星巴克咖啡

Open Now

Now Closed

之前試過IFC分店嘅咖啡精釀啤酒，個人覺得毫無特別。今次一心諗住去試下呢間旗艦店嘅食物，點知又係期望越大失望越大。首先，搵位方面有啲混亂，入到去見到唔少客人要企係度用餐。當時並非繁忙時間，幸好我們在食物來到之前搵到位，如果唔係拎住食物都唔知點算好。跟住有個攞住iPad嘅職員同我們講買飲品要排隊，但係買食物就可以直接跟他下單，於是我們先叫了個焦糖香蕉朱古力鬆餅，攞左個號碼牌之後繼續排隊。先講飲品，朋友叫咗杯冰搖草莓綠茶星果茶加石榴凝珠。呢杯飲品草莓味幾乎是零， 綠茶更加是所向無蹤，只係得個甜字。 而我就叫咗杯特濃咖啡馬天尼，熱愛呢款雞尾酒嘅我覺得咖啡味濃郁而伏特加嘅酒味 亦都沒有被淹沒，就係糖漿落重咗手。鬆餅不久之後就來了，賣相係幾討好，但係一啖食落去，竟然係凍嘅，再好食嘅食物都冇用。雪糕亦都冇咩特別，只係普通雲呢拿雪糕，唯一可取嘅係香蕉同其他配料還算幾新鮮，但呢啲都係基本啫。