Video
Read full review
2023-02-18
397 views
2月14號過嚟試咗情人節菜單，老闆極力推薦，話係採用左日本A5和牛正常情況下做唔到咁平嘅價錢，我同女朋友都覺得好抵，所以選擇左喺呢度食。原本覺得情人節開開心心慶祝覺得好完美，點知食完之後肚痛肚痾發冷想嘔，醫生話係腸胃炎，後來先check到係食生蠔🦪食物中毒。食物方面，有威靈頓牛扒、龍蝦同埋海鮮冷盤，仲有沙律甜品任食。威靈頓牛扒，味道一般，老實講完全食唔出係日本A5和牛，有啲失望。有一個地方覺得做得唔好，唔知係咪太多人太忙，侍應冇問我哋牛扒要幾成熟，見到隔籬枱個侍應有問客人要幾成熟，我哋先醒起serve 我哋嗰個侍應冇問我地，上菜嘅時候目測5成，本身我唔食咁生，不過第一次食威靈頓牛扒，而且老闆有極力推介咁就照食啦。龍蝦方面，係細龍蝦，而且得半隻，覺得份量有點小，味道正正常常。海鮮冷盤方面，有生蠔有蝦等等，生蠔食嗰陣有啲沙，其他都中規中矩。任食沙律同甜品方面，估唔到任食嘅沙律同埋甜品係幾好食，女朋友都力讚，甜品款式都算多，我自己覺得椰汁糕幾好食，可惜食一次之後就冇再refill無得食，可能已經就嚟收工。沙律都比想像中好食。估唔到我第一次寫食評係因為食物中毒而寫價錢算係幾平，而且任食沙律同甜
食物方面，有威靈頓牛扒、龍蝦同埋海鮮冷盤，仲有沙律甜品任食。
威靈頓牛扒，味道一般，老實講完全食唔出係日本A5和牛，有啲失望。有一個地方覺得做得唔好，唔知係咪太多人太忙，侍應冇問我哋牛扒要幾成熟，見到隔籬枱個侍應有問客人要幾成熟，我哋先醒起serve 我哋嗰個侍應冇問我地，上菜嘅時候目測5成，本身我唔食咁生，不過第一次食威靈頓牛扒，而且老闆有極力推介咁就照食啦。
龍蝦方面，係細龍蝦，而且得半隻，覺得份量有點小，味道正正常常。
海鮮冷盤方面，有生蠔有蝦等等，生蠔食嗰陣有啲沙，其他都中規中矩。
任食沙律同甜品方面，估唔到任食嘅沙律同埋甜品係幾好食，女朋友都力讚，甜品款式都算多，我自己覺得椰汁糕幾好食，可惜食一次之後就冇再refill無得食，可能已經就嚟收工。沙律都比想像中好食。
估唔到我第一次寫食評係因為食物中毒而寫
價錢算係幾平，而且任食沙律同甜品唔錯，原本打算得閒嘅時候都會再過嚟食，可惜估唔到會食物中毒，真係好失望，以後都唔會再食呢間餐廳了……
Post
