堤諾比薩 (Closed)

食物中規中矩，叫咗個四重芝土Pizza同芝士薯條。食物普遍比較淋，唔係好夠熱。重點係用自己電話QR Code落單，見到收服務費，Fine。點完餐問店員可否畀杯水，店員叫你自己行出去斟。我就搲哂頭，明明收我服務費，仲要我用自己手機落單，水又自己出去拎，咁仲收我服務費為何事？好心做生意就老實啲，提供應有服務畀客人。依家香港經營食肆已經唔易，唔做好自己點同其他餐廳競爭，況且唔少港人已經北上覓食，餐廳夠大，食物質素提升唔少，價錢抵食，服務又好。希望餐廳可以檢討吓。