Video
Read full review
2021-10-01
1603 views
呢兩日咁啱都飲茶🫖寫個食評畀大家作一比較。海麗閣位於新裝修嘅屋邨商場，開張幾個月以嚟貪佢新淨就好密咁幫襯，而且家中老人家都好鐘意去，相信留底唔少腳毛（笑）#老人家心血來潮想食班腩，見午巿優惠紙有一碟涼瓜班頭腩炒河，就幫佢哋點咗，原本個名望落咁dry冇乜特別意欲，但上到嚟開頭係試少少，之後都一口氣食咗3碗仔。首先啲汁調味一流，索晒啲炸魚嘅精華，仲落埋豆豉點綴，味道唔鹹亦唔淡，其次同夠鑊氣嘅河粉撈勻，再伴以消暑嘅苦瓜，一道「估你唔到」嘅小炒👍🏻#到介紹my favourite 啦。唔知由幾時開始酒樓除咗賣馬拉糕叉燒包之外，多咗一樣叫合桃包嘅朋友，而呢位一登場就俘虜咗本人個胃，以致到依家去親飲茶都一定mark咗呢格先。海麗閣嘅合桃包係附近咁多間酒樓最好食嘅，合理比例嘅合桃再溝類似奶酪嘅東東，味道似流質黑糖乳酪加咗果仁，健康蒸包類嘅首選😬#鮮蝦燒賣皇間間都有燒賣唔代表間間都好食。蝦嘅比例嚟講得面頭見到嗰一兩粒仔，切得好細，食唔到有完整蝦，但由於整得幾彈牙嘅關係，反而加咗好多分，食完把口亦唔會有種魚腥味，對於唔太食得蝦嘅老人家嚟講，呢個可以酌量試吓。btw熱氣上騰令鏡頭好似加咗重濾鏡咁，趁熱食先
#
老人家心血來潮想食班腩，見午巿優惠紙有一碟涼瓜班頭腩炒河，就幫佢哋點咗，原本個名望落咁dry冇乜特別意欲，但上到嚟開頭係試少少，之後都一口氣食咗3碗仔。首先啲汁調味一流，索晒啲炸魚嘅精華，仲落埋豆豉點綴，味道唔鹹亦唔淡，其次同夠鑊氣嘅河粉撈勻，再伴以消暑嘅苦瓜，一道「估你唔到」嘅小炒👍🏻
涼瓜斑頭腩炒河
$98
57 views
0 likes
0 comments
#
到介紹my favourite 啦。唔知由幾時開始酒樓除咗賣馬拉糕叉燒包之外，多咗一樣叫合桃包嘅朋友，而呢位一登場就俘虜咗本人個胃，以致到依家去親飲茶都一定mark咗呢格先。海麗閣嘅合桃包係附近咁多間酒樓最好食嘅，合理比例嘅合桃再溝類似奶酪嘅東東，味道似流質黑糖乳酪加咗果仁，健康蒸包類嘅首選😬
補腦合桃包
$30
63 views
0 likes
0 comments
#
鮮蝦燒賣皇
間間都有燒賣唔代表間間都好食。蝦嘅比例嚟講得面頭見到嗰一兩粒仔，切得好細，食唔到有完整蝦，但由於整得幾彈牙嘅關係，反而加咗好多分，食完把口亦唔會有種魚腥味，對於唔太食得蝦嘅老人家嚟講，呢個可以酌量試吓。btw熱氣上騰令鏡頭好似加咗重濾鏡咁，趁熱食先！
鮮蝦燒賣皇
$36
48 views
0 likes
0 comments
#
四寶雞扎
本人好鐘意食呢款四四方方嘅腸仔，通常只有喺雞扎裏面食到，除咗豬皮唔太喜好之外，其餘三寶都接受到，所以今次見佢出現咗喺午巿優惠紙就果斷剔咗。雞肉完美一條冇肥膏癡住，芋頭接近泥嘅完美口感，豬皮嘅爽滑🤤🤤真係好okay 囉！
四寶雞札
$26
37 views
0 likes
0 comments
#
上海小籠包
裏面雖然冇湯汁，但都算皮簿饀靚嘅，佢同紅醋簡直絕配，今次要求唔會太高，好味就足矣。
上海小籠包
$26
33 views
0 likes
0 comments
#
紫米露
今餐唯一唔值得回味嘅甜品，嫌紫米份量太少粉漿多，凍晒嘅話基本上似飲緊紫米味嘅結噠噠無味椰漿。
紫米露
$30
33 views
0 likes
0 comments
整體而言，每蓬長輩一提起飲茶就會想去呢度，去其他酒樓仲會掛住佢啲點心，拎佢嚟比較，哈哈呢啲就係叫偏心啦。
Post
